योग महाविद्यालयाच्या योगपटूला राष्ट्रीय योगासन स्पर्धेत सुवर्ण
बारामतीतील योग महाविद्यालयातील रोहित चव्हाण याची संगमनेर येथे झालेल्या 6 व्या राष्ट्रीय योगासना स्पोर्ट्स चॅम्पियनशिप २०२५-२०२६ मध्ये प्रथम क्रमांक मिळवून सुवर्ण पदक पटकावले आहे. यामुळे गुजरात मध्ये होणाऱ्या पहिल्या जागतिक योगासन स्पर्धेसाठी भारतीय संघामध्ये त्याची निवड झाली आहे.या स्पर्धेमध्ये भूमासन, गर्भासन, ओंकारसन, पश्चिमोत्तानासन, हलासन इ. प्रकारची प्रगत आसने या स्पर्धेसाठी ठेवण्यात आली होती. योग महाविद्यालय, बारामती येथे रोहित योगशास्त्रामध्ये पदव्युत्तर (एम. ए) शिक्षण घेत आहे. यापूर्वीही अनेक योगासन स्पर्धांमध्ये त्याने यश संपादन केले आहे. योगासन स्पर्धेसाठी त्याला योग महाविद्यालय बारामतीचे संस्थापक डॉ. निलेश महाजन, डॉ. भक्ती महाजन, प्रा प्राजक्ता देशपांडे, सचिन रणमोडे व शिवाजी विद्यापीठातील सौ. विणा मालडीकर, सौ. प्रीती चव्हाण यांचे मार्गदर्शन लाभले.
